Prokuroria e Posaçme kundër Korrupsionit dhe Krimit të Organizuar ka mbyllur parashtrimet në gjyqin paraprak ndaj Ilir Metës, Monika Kryemadhit dhe tre personave të tjerë të pandehur në të njëjtën çështje.
Sipas raportimeve të mediave, Prokurori i çështjes, Sotir Kllapika kërkuar dërgimin për gjykim të pesë të pandehurve, duke argumentuar se nga hetimet janë administruar prova të mjaftueshme që justifikojnë kalimin e çështjes në gjykim në themel.
Meta akuzohet për korrupsion pasiv të funksionarëve të lartë shtetërorë ose të zgjedhurve vendorë, pastrim parash e mosdeklarim pasurie.
Ish-bashkëshortja e tij Monika Kryemadhi akuzohet për korrupsion pasiv të funksionarëve të lartë shtetërorë në 2 raste, pastrim parash dhe mosdeklarim pasurie.
Pirro Xhixho akuzohet gjithashtu për korrupsion pasiv të funksionarëve të lartë të kryer në bashkëpunim.
Kurse mamaja e Monika Kryemadhit, Fatime Kryemadhi akuzohet për pastrim parash, së bashku me Ema Çokun.
