Një plagosje me armë ka ndodhur mbrëmjen e sotme në Lezhë, në zonën e quajtur ‘Kryqëzimi i Rrilës’.
Sipas informacioneve të para, i plagosur ka ngelur Sokol Daci rreth 30-vjeç. Ai është pronari i një biznesi berberhaneje dhe ndodhej aty në momentin kur u sulmua.
Mësohet se i plagosuri ndodhet jashtë rrezikut për jetën dhe po merr trajtim në spital, ndërkohë autori ende nuk është identifikuar dhe është larguar nga vendi i ngjarjes.
Nga pamjet në vendngjarje shihet se janë qëlluar të paktën 20 plumba.
Ende nuk dihen rrethanat e plota të ngjarjes, por pritet të zbardhen në vijim.
Policia ndodhet në vendngjarje e po punon për zbardhjet e dinamikës.
