Banesa ku jeton gazetari Elton Tozaj është lyer me benzinë, një akt i qartë kërcënimi. Kjo vjen vetëm pak ditë pasi Tozaj u dhunua në mënyrë barbare nga persona ende të paidentifikuar.
Elton Tozaj njihet si një personazh provokativ, i cili shpesh bën deklarata të forta publike, veçanërisht lidhur me jetën personale të personave të njohur. Për shkak të këtyre qëndrimeve, ai ka marrë vazhdimisht kërcënime ndër vite.
Kujtojmë se akti i dhunës barbare erdhi pas disa deklaratave të papritura në media ku shigjetonte persona të njohur të showbizit shqiptar.
Një prej tyre ishte lidhur me moderatoren Luana Vjollca, të cilën gazetari e akuzonte për ndjekjen e ish-partnerit të saj, Krenar Çoçaj, dhe të partneres së tij aktuale, Endi Demneri. Ai pretendonte se kishte vërejtur afërsi të moderatorës në raste të ndryshme, si në një fluturim drejt Milanos dhe gjatë pushimeve të verës në Saint-Tropez, në të njëjtin qytet ku ndodhej ish-partneri.
Për shkak të këtyre akuzave dhe insinuatave, Luana Vjollca ka vendosur të padisë zyrtarisht gazetarin, duke e konsideruar këtë si një cënim të rëndë të figurës së saj publike dhe si shpifje të drejtpërdrejtë.
Po ashtu ai akuzonte dhe ngrinte aludime për vajzat e showbiz-it që janë në lidhje intime me persona të hetuar nga SPAK.
