Policia greke ka zgjeruar hetimet për shpërthimin e ndodhur në diskotekën “Jacky O.” në Athinë, ngjarje e regjistruar më 7 tetor 2025 në zonën Ilisia. Për këtë rast janë arrestuar dy vëllezër shqiptarë, ndërsa autoritetet kanë identifikuar edhe një grua greke si të dyshuar për bashkëpunim, Blerim Buci, 41 vjeç dhe Besmir Buci, 32 vjeç, të dy nga Tirana.
Në të njëjtën kohë, u publikua një VIDEO e momentit të shpërthimit në diskotekë, e regjistruar nga një kamera sigurie në një biznes aty pranë.
Ata u arrestuan më 22 janar në zonën e Keratsinit dhe ndaj tyre rëndojnë disa akuza, përfshirë organizim kriminal, shpërthim me lëndë eksplozive, dëmtim prone dhe shkelje të ligjit për armët.
Autoritetet bëjnë me dije se ndaj dy vëllezërve ekzistonte edhe një urdhër arresti i mëparshëm për shkelje të kushteve të qëndrimit, grabitje dhe vepra të tjera penale.
Në dosjen hetimore përfshihet edhe një grua greke 44-vjeçare, e cila dyshohet se ka ndihmuar në realizimin e ngjarjes duke siguruar automjetin e përdorur për largimin nga vendi i shpërthimit.
Sipas Policisë, motivi i sulmit ishte refuzimi i pronarit të lokalit për t’iu nënshtruar kërkesës për gjobëvënie nga ana e autorëve.
