Pas tensioneve të krijuara gjatë protestës së opozitës dhe hedhjes së bombave molotov drejt Kryeministrisë, Policia e Shtetit ndërhyri duke përdorur ujë dhe gaz lotsjellës për të shpërndarë protestuesit.
Kjo situatë e paprecedentë ndodhi në një moment kur protestuesit po largoheshin pasi u ishte bërë thirrje nga organizatorët që të zhvendosen drejt Kuvendit.
Në një moment policia largoi kordonin policor dhe nga prapa kryeministrisë doli autoboti që hodhi ujë, dyshohet me piper, drejt bulevardit dhe një tjetër gaz lotsjellës.
Disa qytetarë mbetën të lënduar nga ndërhyrja e policisë.
