Një 19 vjeçar është arrestuar nga Policia në Lushnje, pasi akuzohet si i implikuar në veprimtari prostitucioni.
Sipas Policisë, bëhet fjalë për shtetasin, Santiago Manko, i cili për rreth 2 muaj kishte shfrytëzuar për prostitucion një shtetase nga Brazili.
“U arrestua në flagrancë shtetasi Santjago Manko, 19 vjeç, banues në fshatin Karbunarë e Madhe, Lushnjë, i cili për rreth 2 muaj kishte shfrytëzuar për prostitucion shtetasen braziliane L. S., 25 vjeçe, të cilën e kishte strehuar në banesa të ndryshme. Sipas hetimeve, 25-vjeçarja ushtronte prostitucion edhe në ambiente të tjera”,- thuhet në njoftimin e Policisë.
Sakaq për shtetasen braziliane u referuan në Prokurori, ku nisi procedimi penal për veprën penale “Ushtrimi i prostitucionit”. Në cilësinë e provës materiale u sekuestruan 2 celularë.
Materialet procedurale i janë referuar Prokurorisë për veprime të mëtejshme.
