Katër persona, mes tyre dy zyrtarë të Ministria e Punëve të Brendshme, janë arrestuar të hënën në Prishtinë, nën dyshimet për ryshfet dhe abuzime në procesin e lëshimit të lejeve për armë.
Prokuroria Themelore në Prishtinë njoftoi se dy zyrtarët e MPB-së dyshohet se kanë lëshuar certifikata për armëmbajtje duke shpërfillur procedurat ligjore, për çka po hetohen për keqpërdorim të detyrës zyrtare.
Dy personat e tjerë dyshohen për pranim të ryshfetit në sektorin privat.
Sipas njoftimit, të dyshuarit kanë marrë ryshfet nga persona të ndryshëm, të cilët janë pajisur me certifikata për leje armësh pa qenë të pranishëm fizikisht, ashtu siç e kërkon ligji.
Të katër të arrestuarit janë dërguar në mbajtje për 48 orë.
