Ambasadorët e 27 vendeve anëtare të Bashkimit Evropian do të zhvillojnë sot një takim emergjent, pas paralajmërimit të presidentit të SHBA-së, Donald Trump, për vendosjen e tarifave të reja ndaj disa shteteve evropiane.
Lajmi raportohet nga Reuters, sipas së cilës mbledhja është thirrur nga Qipro, që aktualisht mban presidencën e radhës gjashtëmujore të BE-së. Sipas burimeve diplomatike, takimi pritet të nisë në orën 17:00.
Presidenti Trump ka paralajmëruar vendosjen e tarifave 10% për mallrat që vijnë nga disa aleatë evropianë, përfshirë Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda. Sipas tij, këto tarifa mund të hyjnë në fuqi më 1 shkurt, me mundësi rritjeje deri në 25% në një fazë të dytë.
Paralajmërimi i Trump lidhet me kundërshtimin e këtyre vendeve ndaj propozimit të tij për marrjen e Groenlanda, çështje që ka rikthyer tensionet politike dhe tregtare mes SHBA-së dhe Evropës.
Takimi i sotëm pritet të fokusohet në koordinimin e qëndrimit të përbashkët të BE-së, vlerësimin e pasojave ekonomike të tarifave dhe mundësitë e një përgjigjeje të përbashkët diplomatike dhe tregtare ndaj Uashingtonit.
