Një 24-vjeçar është arrestuar në Durrës pasi dyshohet se qarkullonte i armatosur me pistoletë dhe municion luftarak. I arrestuari është Ç.K banues në Kavajë.
Sipas Policisë së Shtetit, ndalimi u krye në lagjen nr. 13 të Durrës, në zonën e shëtitores së plazhit, ku 24-vjeçari po lëvizte me motomjet.
Gjatë kontrollit, në sediljen e mjetit u gjet një pistoletë tip Glock me municion, të cilat u sekuestruan si prova materiale.
“Në kuadër të operacionit, në lagjen nr. 13, në vendin e quajtur shëtitorja e plazhit, shërbimet e Policisë konstatuan dhe ndaluan motomjetin që dyshohej se drejtohej nga shtetasi i armatosur me armë zjarri.
Gjatë kontrollit fizik, shërbimet e Policisë i gjetën shtetasit Ç. K., në sediljen e motomjetit, një armë zjarri, pistoletë Glock, me municion luftarak, të cilat u sekuestruan në cilësinë e provës materiale.
Në vijim të veprimeve, u bë arrestimi në flagrancë i shtetasit Ç. K., 24 vjeç, banues në Kavajë. Gjithashtu, nisi procedimi penal për pasagjerin që ndodhej në motomjet, shtetasin F. M., 24 vjeç, banues në Kavajë, për veprën penale “Moskallëzim i krimit”.”, njofton policia.
