Policia e Durrësit ka arrestuar 26-vjeçarin Arbëri Xhaxhaj, i cili mbrëmjen e 15 janarit shkaktoi një aksident të rëndë pranë urës së Dajlanit, me pasojë vdekjen e një 18-vjeçareje.
Nga hetimet rezultoi se i riu drejtonte automjetin në gjendje të dehur, duke humbur kontrollin dhe përplasur mjetin me barrierat anësore të urës, çka solli rënien e tij nga ura.
Pasagjerja në automjet, shtetasja V. G., 18 vjeç, humbi jetën si pasojë e aksidentit.
Ndërkohë, drejtuesi i mjetit u arrestua për veprat penale “Shkelja e rregullave të qarkullimit rrugor, me pasojë vdekjen” dhe “Drejtimi i automjeteve në mënyrë të parregullt”.
Policia njofton se 26-vjeçari ndodhet nën kujdesin e mjekëve dhe është jashtë rrezikut për jetën. Dy këmbësorë që u dëmtuan gjatë aksidentit kanë marrë ndihmën e nevojshme mjekësore dhe janë larguar në banesat e tyre.
