Një masiv shkëmbor është shembur këtë të enjte në afërsi të fshatit Krushev, në territorin e Republikës së Kosovës dhe si pasojë është bllokuar rruga nacionale Dragash–Shishtavec.
Sipas informacioneve, shkarjet e dheut dhe gurëve kanë bllokuar plotësisht të dy korsitë e lëvizjes, duke e bërë të pamundur qarkullimin e automjeteve në këtë segment rrugor.
Kjo rrugë ka rëndësi të veçantë për banorët e zonës, pasi lidh fshatrat Krusheva dhe Restelica, si dhe shërben si aks drejt pikës kufitare Krushev–Shishtavec. Si pasojë e shembjes së masivit kanë mbetur të izoluar fshatrat e zonës.
