Presidenti amerikan Donald Trump po mban sot një takim në Shtëpinë e Bardhë me udhëheqësen e opozitës venezueliane, María Corina Machado, për të diskutuar mbi të ardhmen politike të Venezuelës pas operacionit amerikan që çoi në kapjen e Nicolás Maduro-s më 3 janar 2026.
Machado, e njohur ndërkombëtarisht si fituese e Çmimit Nobel për Paqen 2025, është një figurë kryesore e opozitës dhe një nga emrat më të përmendur për udhëheqjen e vendit të pas-Maduro-s. Megjithatë, Trump nuk ka shfaqur mbështetje të plotë për të si udhëheqëse e ardhshme, duke thënë më herët se ajo nuk ka “mbështetje të mjaftueshme” brenda Venezuelës.
Ndërsa Shtetet e Bashkuara kanë njohur një qeveri tranzitore dhe kanë bashkëpunuar me Delcy Rodríguez, ish-nënkryetare e Maduros që mban tani detyrën e kryesueses së përkohshme të vendit, takimi me Machado shihet si pjesë e dialogut më të gjerë mbi drejtimin e tranzicionit dhe mënyrën se si do të vendoset pushteti në Venezuelë në periudhën në vazhdim.
Debati mbi rolin e opozitës dhe përfshirjen e saj në proceset politike vjen në një moment kur vendi përballet me sfida të mëdha për stabilizimin e tij, rindërtimin e institucioneve dhe krijimin e kushteve për zgjedhje të lira.
Takimi pritet të hedhë dritë mbi pozicionet që Shtetet e Bashkuara mund të mbajnë në lidhje me udhëheqjen e Venezuelës në periudhën pas Maduro-s, ndërsa Marrëdhëniet midis Uashingtonit dhe qarqeve politike venezueliane po ndryshojnë shpejt.
