Gazetari Artan Hoxha ka dhënë detaje të reja mbi arratisjen e Altin Ndocit nga spitali i Durrësit, një person me precedentë të rëndë kriminalë.
Sipas Hoxhës, pavioni i veçantë spitalor i përdorur nga të paraburgosur të profilit të lartë përdorej për takime speciale.
“Ndaj bëhet luftë për të shkuar në Durrës. Prandaj rri elita atje. Ajo që është prapë interesante është sesi funksiononte ky ambient. Në atë ambient duhet të shkosh pasi je ekzaminuar nga mjeku i burgut, që tregon se ka nevojë për trajtim të specializuar. Pra, disa nga të dënuarit përfitonin nga këto leje që jepeshin lehtësisht. Ndër favoret që ata kishin, ata bënin dhe takime speciale. Edhe krevatet që janë aty nuk janë as në spitale private. Në këtë ambient shkonin të paraburgosur VIP”, deklaroi Hoxha.
Ndërkohë, një person ka deklaruar për JOQ se drejtori i burgut të Durrësit, Indrit Cerloj merr nga 1 mijë euro për të dërguar të burgosur në spitalin e Infektivit në Durrës, ndërsa një nga dhomat përdoret nga të paraburgosur VIP për takime jozyrtare. bSipas burimeve ambienti nuk shërbente realisht për vizita mjekësore, por për takime private, përfshirë edhe me prostituta.
“Pershendetje, per ngjarjen qe esht arratisur ne durres se di sa te informuar jeni ju po indriti cerloj merte nga 1.000 er per me t cu ne spital te infektivi dhe nje dhom aty u perdorte nga t burgosurit vip per takim me prostituta hyni pak me thell se do shikoni q aty ishte per takim me prostituta jo per vizit mjeksore”– thuhet në denoncim.
