Rruga Elbasan–Gjinar është bllokuar paraditen e sotme për rreth një orë, si pasojë e rrëshqitjeve të dherave të shkaktuara nga reshjet e shumta të shiut që kanë goditur vendin në ditët e fundit.
Ngjarja ndodhi rreth orës 10:00, në afërsi të fshatit Lleshan, duke ndërprerë përkohësisht lëvizjen e automjeteve dhe shkaktuar vështirësi për banorët e zonës së Shpatit, për të cilët kjo rrugë është lidhja kryesore me qytetin e Elbasanit.
