Pas ditësh të tëra të përmbytjeve dhe situatave të vështira në terren, qyteti i Durrësit rrezikon të përballet me një tjetër problem atmosferik.
Autoritetet paralajmërojnë se gjatë pasdites së sotme dhe natës në vijim priten erëra të forta, të cilat mund të shtojnë vështirësitë për banorët dhe zonat e prekura.
Sipas njoftimit, duke nisur nga ora 16:00 era nga drejtimi jugor do të intensifikohet, duke arritur deri në 25 metra për sekondë, ndërsa kjo situatë mund të zgjasë deri në orët e para të të shtunës.
Banorëve u kërkohet:
të shmangin daljet dhe lëvizjet e panevojshme,
të kenë kujdes me automjetet dhe objektet e rrezikshme që mund të rrëzohen,
dhe të ndjekin njoftimet zyrtare për çdo zhvillim.
