Situata nga përmbytjet në qytetin e Durrësit është rënduar ndjeshëm pasditen e sotme, si rezultat i reshjeve masive që pushtuan vendin.
Sipas raportimeve, zona e Kënetës është më problematikja ku uji ka depërtuar në banesa duke bërë që shumë familje të detyrohen ta kalojnë natën nën pushtetin e ujit, në një kohë kur temperaturat janë me minus.
Pak më herët u raportua se reth 40 familje janë evakuuar nga shtabi Emergjencave Civile dhe Forcat e Armatosura, por situata vijon të jetë problematike edhe në shumë familje të tjera.
Siç raportohet, sistemi i kanalizimeve nuk i ka përballuar prurjet e mëdha të ujit, ndërsa pusetat e bllokuara e kanë agravuar situatën, duke mbushur rrugët, banesat e bizneset me ujë.
