Kreu i “Shqipëria Bëhet” Adriatik Lapaj, ka folur mbi protestat e zhvilluara prej disa javësh te Kryeministria ku kërkohet largimi i Edi Ramës dhe Belinda Ballukut.
Lapaj u shpreh se protesta nuk do të ndalet dhe se do të vazhdojë të protestojë kundër regjimit.
I pyetur për ftesën e Berishës për t’u ulur në tryezë, Lapaj tha se është me rëndësi që qytetarët të dalin në shesh, përtej logove të partive.
“Për çfarë na duhen tryezat? Ne na duhen qytetarët në shesh. Përfaqësues nga të gjitha organizatat, një komitet që selinë ta ketë në Bulevard duke marrë vendimin për largimin e Ramës. Unë jam i gatshëm të bëj një hap pas dhe të jem qytetar i thjeshtë. Unë jam i i gatshëm të bëj hap pas nëse ky detyrohet të ikë”, tha Lapaj për News 24.
“Thelbi i protestës është të ndërgjegjësojë qytetarët për zgjedhje të lira e të ndershme dhe të vendoset diskursi publik si dorëheqja e Ramës si një nga njerëzit e korruptuar. Sheshet do të duhet të jenë plot, por e kuptoj edhe humbjen e shpresës. Pasi njerëzit kanë parë si rrugë ikjen”, shtoi ai.
