Një aksident i rëndë rrugor është regjistruar pasditen e kësaj të marte, në aksin Bulqizë – Maqellarë, në vendin e quajtur “Kthesa e Krajkë”.
Dy automjete janë përplasur me njëra tjetrën dhe si pasojë kanë mbetur të plagosur dy persona.
Këta të fundit janë nisur me urgjencë drejt spitalit të Traumës në Tiranë, ndërsa nuk dihet si paraqitet gjendja e tyre.
Paraprakisht dyshohet se shkak për aksidentin është bërë lagështia në rrugë si pasojë e reshjeve masive që kanë pushtuar vendin ditën e somte.
