Kryetari i Partisë Demokratike, Sali Berisha, u paraqit sot në SPAK në zbatim të masës së detyrimit të paraqitje për çështjen “Partizani”.
Në dalje nga SPAK, Berisha ka lëshuar një deklaratë të fortë ndaj Altin Dumanit, të cilin e cilësoi si “armik të pluralizmit politik” dhe “avokat të McGonigalit”.
Berisha u shpreh se krimet e “Altin Troplinit” nuk do mbeten pa marrë ndëshkimin e merituar ligjor, duke garantuar se drejtësia do të veprojë ndaj tij.
Ai kujtoi edhe epitetin “Paja e Skapit”, që sipas tij i mbeti Dumanit pas faljes së Elvis Doçit.
“Së pari njëherë të gjithë atyre që na ndjekin, u uroj gëzuar Vitin e Ri 2026.
Një vit me më të mirat për ata dhe më të dashurit e tyre.
Këtu në Skap lashë këtë shënim: Altin Troplinit, Pajës së Skapit (i mbeti atij, nuk ia vura unë, që kur e fali atë Elvis Doçin, ai mbeti Paja i Skapit) armikut të pluralizmit politik dhe avokatit të McGonigalit, me garanci se krimet e tij nuk do mbeten pa ndëshkimin e merituar ligjor. – tha Berisha.
