Protestat e qytetarëve në Vlorë për mungesën e ujit të pijshëm prej pesë ditësh kanë nxjerrë në pah krizën e thellë infrastrukturore dhe menaxheriale të qytetit bregdetar.
Gazetari Enton Abilekaj, në një intervistë për Syri TV, e cilësoi situatën si të pritshme nga një qeveri që prej 12 vitesh ka vepruar pa strategji dhe vizion, duke e shndërruar Vlorën në një qytet pothuajse të pajetueshëm, pa ujë, pa akses në plazhe dhe të rrezikuar nga përmbytjet.
Ai akuzoi modelin e zhvillimit të bazuar te ndërtimet pa kriter dhe “paratë e pista”, duke theksuar se mungesa e infrastrukturës ka penguar edhe investimet strategjike në zonë.
“Një situatë e pritshme me një qeveri partizane që ka 12 vjet që qeveris vetëm me aksione, që nuk ka as strategji dhe as vizion, dhe që e ka shndërruar Vlorën në një qytet i cili i mungon gjithçka sot. Pra, babëzia e ndërtimit në favor të të një, turizmi, ekonomie turistike, më lehtë të themi, ekonomie e ndërtimi, ka bërë që Vlora sot të jetë qyteti që nuk ka ujë, qyteti që përmbytet menjëherë sa i bie shi, qyteti që nuk ka as dalje në plazhe, as aksese në plazhet të që ka që e rrethojnë, dhe një qytet pothuajse i pajetueshëm.
Kështu që mënyra se si është zhvilluar pa kriter, pa investime, pa infrastrukturë, Vlora, do të çonte në një rezultat të tillë, ashtu siç ne e dimë që ë, rezultati i tillë është i pashmangshëm pavarësisht atyre investimeve të premtuara për ujësjellësin e Vlorës, ashtu siç ne e dimë që investimet që pritet të bëhen në Vlorë në pjesën e Sazanit, në Nartë, në Zvërnec, janë të gjitha investime të cilat nuk kanë infrastrukturën e nevojshme për t’u bërë dhe kjo është arsyeja që ato vazhdojnë të shtyhen nga ata që që janë investitorë të huaj dhe shikojnë se si nuk ka fare infrastrukturë, pra s’ka ujë, s’ka linja të të furnizimit me ujë, s’ka linja të furnizimit me energji elektrike e të tjera e të tjera.– tha Abilekaj.
