Qyteti i Vlorës, po shkon drejt festave të fundvitit pa furnizim me ujë.
Edhe pse kanë kaluar më shumë se 4 ditë në krizë, ende qytetarët vijojnë të përballen me mungesën e ujit të pijshëm duke mos kryer as nevojat jetike.
Këtë pasdite qeveria njoftoi se një tub apostafat kishte ardhur nga Stambolli për të garantuar rregullimin dhe furnizmin me ujë të Vlorës deri mbrëmjen e sotme.
Por edhe pse kanë kaluar më shumë se 4-5 orë ende nuk ka asnjë njoftim për përmirësimin e situatës apo rregullimin e tubacioneve.
Nuk dihet se kur do të zgjidhet ky hall që i ka zënë qytetarët në prag festash, ndërkohë që këta të fundit kanë mbajtur edhe protesta këtë të hënë, ku janë përplasur edhe me policinë.
Ata kanë paralajmëruar se protestat do të vazhdojnë nëse situata nuk gjen zgjidhje.
LEXO EDHE:
“Plasi syri i keq”/ Talljet e Edi Ramës me vlonjatët që s’kanë ujë në shtëpitë e tyre
