Ka përfunduar procesi i votimit në 25 përfaqësi diplomatike të Kosovës nëpër botë. Lajmi është bërë i ditur nga Komisioni Qendror i Zgjedhjeve.
Sipas KQZ-së, votimi ka përfunduar në shtete si Gjermania, Zvicra, Franca, Italia, Turqia, Austria, Suedia, Norvegjia, Mbretëria e Bashkuar dhe disa vende të tjera.
Ndërkohë, votimi në përfaqësitë e Kosovës në Shtetet e Bashkuara të Amerikës dhe Kanada do të mbyllet në orën 01:00 pas mesnate.
Nga gjithsej 19,187 qytetarë të regjistruar për të votuar jashtë Kosovës, kanë marrë pjesë 15,597 persona, që përbën 81.29% të votuesve.
Kryetari i KQZ-së, Kreshnik Radoniqi, tha se procesi ka shkuar pa probleme dhe se votimi është zhvilluar sipas rregullave.
