30-vjeçari, Syrja Begaj, është arrestuar nga Policia, pasi mbrëmjen e kaluar u përfshi në aksidentin e regjistruar në aksin Levan – Tepelenë, ku humbi jetën Oktavio Merdanaj, 16-vjeç.
Ngjarja ndodhi rreth orën 19:00, ku automjeti tip Mercedez me drejtues 30-vjeçarin, u përplas me mjetin tip Peugeot dhe për pasojë ndërroi jetë drejtuesi i këtij të fundit, i mituri 16-vjeçar.
“Rreth orës 19:00, në aksin rrugor “Levan-Tepelenë”, në fshatin Cakran, automjeti me drejtues shtetasin S. B., 30 vjeç, është përplasur me automjetin me drejtues shtetasin e mitur O. M, rreth 16 vjeç. Si pasojë e përplasjes shtetasi O. M, ka ndërruar jetë gjatë transportit për në spital”,- thuhej në njoftimin e Policisë.
Sipas raportimeve, shoferi 16-vjeçar, i cili ishte në timon pa patentë, ishte duke dalë në autostradë nga Cakrani dhe i ka prerë rrugën automjetit tip “Benz”, i cili po udhëtonte nga Poçemi në drejtim të Levanit.
