Nga Boldnews.al
AKSHI në letra ngjan bukur (Agjencia Kombëtare e Shoqërisë së Informacionit), që kryeministri ynë na e shiti si “Shqipëria Digjitale”. Ky institucion sot ka ndryshuar emër dhe vendosësi i këtij emri është vetë ai Edi Rama, ose babai i kësaj krijese të frikshme. Që nga krijimi i saj, plot 780 milionë euro janë menaxhuar nga ky institucion, të cilat përfunduan tek Gysi, Ermali, dhe “lindat në katrorë”.
Një hetim i SPAK, i kushtëzuar nga dosje të ardhura gjysmë të gatshme nga Italia dhe Gjermania, detyroi prokurorinë të futej pak më thellë dhe ajo që ka gjetur deri më tani i ngjan zbulimeve arkeologjike teksa nxjerrin si artifate krim të tmerrshëm, korrupsion, lidhje direkte të pushtetit me hajninë, por mbi të gjitha dëmin që i ka sjellë sigurisë kombëtare, veçanërisht si vend anëtar i NATO-s.
Në një dosje të përmbledhur në 206 faqe, Linda drejtoreshë e Ramës (Mirlinda Karçanaj), më jetëgjata në këtë post të qeverisjes së tij dhe jo pa qëllim, hynte e dilte tek zyrat e Gysit të Ramës duke u përfshirë në afera të frikshme. Aty përcaktoheshin fituesit, aty shtoheshin vlerat dhe aty vendosej se çdo biznesmen në fushën e teknologjisë që ankohej tek AKSHI dhe KPP, merrej peng, kërcënohej dhe detyrohej të tërhiqte ankimet.
Për t’i ndihmuar shërbenin edhe drejtues të lartë të policisë të cilët mbajnë uniformën që shumë efektivë të ndershëm e kanë larë me gjak, por soji i Ismailëve më shokëj e ndyjnë me verën 33 mijë euro që pihet edhe në “oazin Eden”, nga grupi krim-politikë.
Kjo dosje sot është zjarri që po përcëllon vetë kryeministrin, pasi nëse SPAK e ka seriozisht dhe futet pak më thellë, qartësisht do të dalë se kontrolli i tenderave të AKSHI-t kishin një lidhje të shkurtër në “rrugën” vajtje-ardhje, Tiranë-Surrel.
Dy personazhet e kamufluar si bisnesmenë, Ergys Agasi dhe Ermal Beqiri, janë në arrati dhe asreyja se përse nuk janë arrestuar nuk ka nevojë për kalem, e aq më pak mend: policia është zhytuar po aq keq kokë e këmbë në tmerrin që i kanë lënë këtij vendi në 13 vitet e fundit. AKSHI i Ramës është ‘Agjencia Kap Shqyej dhe Ik’, duke lënë pas krim dhe varfëri në vendin ku një familje merr ndihmë ekonomike 4600 lekë në muaj, ndërsa tenderi i këtij AKSHIT të madh për “përmirësimin e sistemit të ndihmës ekonomike”, kushtoi mbi 226 milionë lekë të reja. Paradoks dhe tallje malinje që vetëm qeniet gjenetikisht të modifikuara të Rilindjes mund ta bëjnë.
Deri tani është kuptuar se AKSHI u kthye në agjencinë e shqyerjes së taksave qytetare, disa nga përfituesit kanë ikur, po të tjerë, të mëdhenj, shumë të mëdhenj a do të ikin? Dubai është vatra e krim-politikës dhe Ai ka fort miqësira me sheikë e pushtetarë të atjeshëm që përfituan nga shqyerja e një copë Shqipërie që u jepet nga “Mbreti” për t’i pasur si votër pritëse në ditë të vështira, edhe pse do ikin si një “eskortë” turpi!
