Një sasi prej 51 kg kanabis sativa, e ndarë në 48 pako, është kapur nga Policia në Gjirokastër, e cila dyshohet se do të trafikohej drejt Greqisë.
Si rezultat është arrestuar shtetasi Nelson Pashka 30-vjeç banues në fshatin Rusan, Delvinë, i cili është kapur duke transportuar lëndën narkotike të fshehur në një hapësirë të improvizuar tek shasia e automjetit tip Nissan.
Gjithashtu janë shpallur në kërkim shtetasit Elidon Pashka, vëllai i 30-vjeçarit të arrestuar, Dorjan Cilingari dhe Sheme Agaj, organizatorë dhe bashkëpunëtorë të Nelson Pashkës.
Gjatë operacionit, përveç lëndës narkotike, janë sekuestruar automjeti tip Nissan dhe tre celularë të të arrestuarit.
