Rrjeti i marketeve Big Market është denoncuar sërish nga qytetarët për mospërputhje të çmimeve, ku shumat e afishuara në rafte nuk përkojnë me ato që rezultojnë në faturë në momentin e pagesës.
Së fundmi, një qytetar ka denoncuar një rast të ndodhur në Big Prime në Kamëz, duke ngritur shqetësime për mënyrën se si trajtohen konsumatorët.
Ai shprehet se ka blerë një birrë, e cila në raft ishte e afishuar me çmimin 99 lekë për shishe, por në arkë i është faturuar 109 lekë, siç rezulton edhe nga fatura e pagesës.
Qytetari tregon se, për ta verifikuar situatën, ka shkuar më pas në një market tjetër të të njëjtit rrjet, Big Europa (Big Market), ku ka blerë të njëjtin produkt dhe aty çmimi në arkë ka përputhur me atë të afishuar në raft.
Si “Big Prime” ashtu edhe “Big Europa” janë njësi tregtare që bëjnë pjesë në rrjetin “Big Market”, i kontrolluar nga i njëjti grup aksionerësh. Pra, pavarësisht emërtimeve të ndryshme të marketeve, bëhet fjalë për të njëjtin rrjet supermarketesh
Denoncimi i qytetarit:
Përshëndetje JOQ! Isha duke blerë birra në një market me emrin Big Prime në Kamëz dhe pashë ofertën e birrës Tuborg 99 lekë për copë. Kur vajta në arkë, pagova 109 lekë për shishe (fatura është e bashkangjitur). Më pas, nga inati, shkova në një market tjetër më tutje dhe bleva të njëjtën birrë te Big Europa (Big Market), ku oferta ishte reale dhe në arkë e pagova sipas çmimit të afishuar. Ju lutem, publikojeni këtë material, pasi i keni të gjitha provat. Gjynah për qytetarët! te lutem ma bej lajm por ma nis kshtu
