Gazetari Arion Sulo ka komentuar situatën e krijuar rreth ministres Belinda Balluku, duke theksuar se ajo nuk ka ndërmend të japë dorëheqjen, ndërsa kryeministri Edi Rama nuk mund ta shkarkojë.
“Balluku nuk pranon të japë dorëheqjen. Rama nuk e shkarkon dot. Ata nuk e votojnë imunitetin. Rama i ka dhënë shenjat që thotë kemi votat, tregon forcën e shifrave. Parapërgatit terrenin”, u shpreh Sulo.
Duke folur në Top Story, sipas tij, situata është e rënduar edhe nga fakti se tre drejtorë vartës të ministres ndodhen aktualisht në arrest shtëpie dhe nuk mund të shkojnë në punë. Megjithatë, Balluku është rikthyer në detyrë pa marrë masa për shkarkimin e tyre.
“Ne sot kemi tre drejtorë, vartës të Ballukut, që janë në arrest shtëpie. Rama thoshte se është pezulluar puna, ndërkohë që ministrja është rikthyer në punë por nuk ka shkarkuar asnjë nga drejtorët. Drejtori i ARRSH është akoma në detyrë, nuk po e shkarkon. Po i mbron”, tha gazetari.
