Analisti Andi Bushati, i ftuar në emisionin Të Paekspozuarit në MCN TV, ka folur për kërkesën e SPAK për heqjen e imunitetit të Belinda Ballukut, në mënyrë që të kërkojë një masë arresti ndaj saj.
Bushati tha se nuk ka gjasa që Rama ta dorëzojë imunitetin e Ballukut, ndërsa shtoi se në PS mendojnë vetëm si të vjedhin.
“Çfarë lexova unë? Gjithë buritë e propagandës së Ramës thoshin veprim inatçor i SPAK. Edhe sikur të jetë, bravo i qoftë, nuk është as i pari dhe as i fundit. Kjo nuk është çështje juridike, por politike.
Cfarë bëjnë këta? Në fillim vjedhin zgjedhjet, hyjnë në zyrë, vejdhin me tendera dhe koncesione, po i kape, thonë nuk më ndalon dot se më ka zgjedhur populli. Nga kjo buron kurthi juridik. Rama do ta mbajë Ballukun në detyrë si hajduten kryesore, thotë është puç shteti. Mbaron punë me kushtetuesen.
SPAK i gjendur në këtë presion, me metodat që di vetë, fillon nxjerr letrat.
Këta vjedhin Shqiëprinë për të vjedhur zgjedhjet, dhe vjedhin zgjedhjet për të vjedhur Shqipërinë. Kryeministri del çdo ditë të vjedhë bashkë me Ballukun dhe ne themi mos po i vjedhin kompetencat Ramës?
Njerëzit thonë pse ankohen këta se po i vidhka një pushtet Ramës.
Do ta shihni, ose ka për ta shtyrë në kalendat greke, ose nuk ia heq imunitetin. Ky pushtet qëndron mbi vjedhjen. Ata të opozitë nuk kanë pse hedhin më, duhet të ngrihet opozita, një grup qytetar më i besueshëm, të kërkojë në GJK, nxjerrjen jashtë ligji të PS, si bandë kriminale që ka nen të parë të statutit grabitjen”, tha Bushati.
