Protestat e fermerëve në Greqi, bllokohet sërish aksi rrugor Kakavijë–Janinë

Lëvizja e fermerëve grekë ka hyrë në ditën e saj të disa­të, duke shkaktuar përsëri bllokime në rrugët kryesore të vendit.

Policia Kufitare Kakavijë njofton se edhe sot, për shkak të protestave, do të bllokohet aksi rrugor Kakavijë–Janinë, në zonën e fshatit Kallpaq.

Sipas njoftimit zyrtar, bllokimi do të zhvillohet nga ora 19:00 deri në orën 22:00 (me orën greke). Gjatë kësaj kohe, do të lejohet qarkullimi vetëm për automjetet

NJOFTIMI
Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore. Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.