Kryedemokrati Sali Berisha tha për mediat se në procesin e zhvilluar ditën e djeshme në Këshillin e Lartë të Prokurorisë për zgjedhjen e kreut të ri të SPAK, u zbatuar Kushtetuta.
Ai u shpreh se KLP ishte mizogjenike për sa kohë që nuk i dha asnjë votë të vetmes kandidate femër në garë.
“Dje u zbatua Kushtetuta. Nuk u zgjodh si i pari me 5 vota që ishte jashtë kushtetuese e nuk mund të qëndronte asnjë ditë ne detyrë. Aty ishte një zonjë që tregon se ajo trupë e KLP është mizogjenike, nuk i dhanë asnjë votë. Në KLP nuk shkoi vetë, e dërgoi komisioni”, tha ai.
Berisha tha se prania e madhe e trupës diplomatike në mbledhjen e KLP-së tregoi dyshimet për të ndalur dhe neutralizuar dorën e zezë të Ramës, për të pasur ndikim në proces.
“S’po ndalem te zgjedhja e kreut të SPAK, por dhe përqendrimi aq i lartë i trupit diplomatik në sallën e zgjedhjes, lë shumë të dyshohet se ajo u bë me qëllimi e vetën për të tamponuar dhe neutralizuar dorën e zezë të Edi Ramës dhe presionet ndaj anëtarëve të KLP. Nuk kisha parë aq shumë përqendrim, dhe ata donin të jepnin një mesazh që Edi Rama tek mori Endri Shabanin, të merret dhe këtë kandidat.”, tha Berisha.
