Detaje të reja kanë dalë në dritë nga shpërthimi me tritol i regjistruar mbrëmjen e kaluar në lagjen “Skënderberg” të Shkodrës.
Burime për mediat bëjnë me dije se dyshohet për dy autorë. Nga kqyrja e kamerave të sigurisë, është parë se kanë qenë dy persona me motoçikletë, të cilët kanë vendosur lëndën plasëse në derën e biznesit të Lulzim Mehmatajt dhe më pas janë larguar.
Si pasojë e shpërthimit ka pasur vetëm dëme materiale, ndërsa nuk dihen ende shkaqet e vendosjes së tritolit. Vetë pronari i biznesit, është shprehur se nuk ka asnjë konflikt me askënd dhe nuk e di kush mund të ja ketë vendosur lëndën plasëse.
Ndërkohë mësohet se policia dhe grupi hetimor të vetmen pistë që po hetojnë është ajo e konkurrencës.
