Detaje të reja kanë dalë në dritë nga atentati i 11 Nëntorit, në Rinas ku u vra me armë zjarri Gilmando Dani dhe Muçi Shaljani.
Burime për mediat bëjnë me dije se është liruar nga ambjentet e policisë, 35-vjeçari me iniciale B.Xh i cili u shoqërua për tu marrë në pyetje lidhur me ngjarjen.
35-vjeçari është banor i zonës në fshatin Halil ku u dogj makina “Toyota” e autorëve por në deklaratën e ti para grupit hetimor ai ka mohuar të ketë lidhje me rastin.
I riu ka banesën shumë pranë ku u dogj makina, por në deklarimet e tij ka pohuar se në atë momente nuk ndodhej në shtëpi dhe në këtë formë ka mohuar të ketë lidhje me ngjarjen, apo të ketë parë lëvizje të autorëve të mundshëm. Shoqërimi i tij për t’u marrë në pyetje u bë pasi më herët rezulton i dënuar për vjedhje me dhunë.
Ndërkohë ka dalë edhe ekspertiza e armëve të gjetura në makinën e djegur ku është konstatuar se nuk janë përdorur në ngjarje të tjera kriminale.
Gilmando Dani u ekzekutua nga persona ende të paidentifikuar në Rrethrrotullimin e Aeroportit të Rinasit. Pak ditë më vonë ndërroi jetë në spital edhe miku i tij Muçi Shaljani që ndodhej në makinë me të. Ata sapo ishin kthyer nga Barcelona, kur atentatorët u zunë pritë dhe zbrazën armën.
