Një 32-vjeçar i identifikuar si Klemjan Perndreu është arrestuar nga Policia në Vaun e Dejës, pasi akuzohet për shitje të lëndëve narkotike.
Sipas Policisë, i riu shiste doza kanabisi në lokalin e tij në fshatin Kapedan.
“U arrestua në flagrancë shtetasi K. P., 32 vjeç, banues në fshatin Kapedan. Gjatë kontrollit në lokalin e këtij shtetasi dhe në një ambient ngjitur, në fshatin Kapedan, shërbimet e Policisë gjetën dhe sekuestruan një sasi lënde të dyshuar narkotike kanabis, që e posedonte me qëllim shitjen në doza”,- thuhet në njoftimin e Policisë.
Materialet procedurale iu referuan Prokurorisë, për veprat penale “Prodhimi dhe shitja e narkotikëve” dhe “Përshtatja e lokalit për përdorim droge”.
