Një konflikt i çastit në fshatin Qerret, rreth orës 16:50 të pasdites së sotme, ka përfunduar me plagosjen e një 41-vjeçari.
Sipas burimeve zyrtare, shtetasi Egzon Sinani ka goditur me mjet prerës Haxhi Shehun, 41 vjeç, pas një debati për motive të dobëta.
I plagosuri është dërguar menjëherë në spital, ku ndodhet nën kujdesin e mjekëve dhe fatmirësisht jashtë rrezikut për jetën.
Policia e Durrësit ka shpallur në kërkim autorin e ngjarjes dhe po vijon ndjekjen për kapjen e tij.
Njoftimi i policisë:
” Durrës/ U konfliktua fizikisht dhe plagosi me mjet prerës një 41-vjeçar, shpallet në kërkim autori dhe vijon ndjekja për kapjen e tij.
Rreth orës 16:50, në fshatin Qerret, dyshohet se gjatë një konflikti për motive të dobëta, shtetasi E. S. ka plagosur me mjet prerës (thikë) shtetasin H. Sh., 41 vjeç, i cili ndodhet në spital, nën kujdesin e mjekëve, jashtë rrezikut për jetën.
Shërbimet e Policisë po punojnë intensivisht për kapjen e autorit. Grupi hetimor, në drejtimin e Prokurorisë, vijon punën për zbardhjen e rrethanave të ngjarjes.”
