Të tjera detaje kanë dalë në dritë nga vrasja e biznesmenit Edmond Hyka, mbrëmjen e kësaj të diele në Elbasan.
Sipas burimeve, biznesmeni njihej në qytet si pronar i 2 bizneseve, i karburantit Xhaxhi Oil, aty ku edhe ka ndodhur ngjarja dhe i një rrjeti taksish po në qytetin e Elbasanit, El Taxi, si dhe dyshohet se është një person me precedentë të mëparshëm penal.
Më herët biznesmeni 43-vjeçar, dyshohet të ketë qenë pjesëtar i një grupi kriminal që operonte jashtë Shqipërisë, kryesisht në rrjetin e lëndëve narkotike dhe këto janë janë pistat kryesore ku po heton policia.
Ndërkohë sipas informacioneve, disa persona janë shoqëruar në polici për tu marrë në pyetje lidhur me rastin.
