Edi Rama, në një intervistë për podcastin “East Side Stories” në median austriake Die Presse, deklaroi se SPAK bën gabime.
SPAK-u që i mori ushtaren e tij të besuar që i firmoste vjedhjet, Belinda Ballukun, të pandehur për shkelje të barazisë në tendera, papritur u kthye në një strukturë jo shumë të besueshme.
Teksa flet për gabimet që mund të bëjë Struktura e Posaçme SPAK, Rama, si për ta zbutur paksa, shtoi se pavarësia e tyre nuk duhet prekur.
“Kam thënë se duhet të ndërtojmë mekanizma të drejtësisë që duhet të jenë në gjendje të provojnë pavarësinë e tyre, duke hetuar, duke investiguar dhe duke dënuar, pa marrë parasysh nga cila anë vjen çështja. Nuk është aq këndshme sa të shkosh në operë. Është e dhimbshme. Është e hidhur. Por është mënyra e vetme. A është perfekte? Jo. A bëjnë gjithashtu gabime? Sigurisht që bëjnë. Por në fund të ditës, duhet të bëjmë gjithçka që të mos prekim pavarësinë që u kemi dhënë atyre”, shprehet Rama.
