Reshjet e dendura të ditëve të fundit kanë shkaktuar dëmtime të shumta në disa zona të qarkut Korçë, ku problemet kryesore lidhen me rrugët, urat dhe argjinaturat.
Maliq
Në argjinaturën e lumit Devoll janë shënuar dëmtime përgjatë një segmenti rreth 2.1 km, ndërsa një pjesë e rrugës Mesmal–Velçan–Selcë rezulton e dëmtuar. Në fshatrat Osojë dhe Gjinikas situata është më e rëndë, pasi ura është shembur dhe aksesi është ndërprerë.
Devoll
Në urën e Çetës vijon puna për rregullimin e dëmtimeve, ndërsa probleme janë raportuar edhe në rrugët e fshatrave Progër, Bitinckë dhe Vranisht. Në segmentin Dobranj–Bracanj është dëmtuar asfalti në rreth 15 metra.
Kolonjë
Janë regjistruar rrëshqitje dherash në përroin Shtikë dhe Bezhan, ku është ndërhyrë për stabilizim. Në Gostivisht po pastrohet dheu i rrëshqitur, ndërsa në urën e Qinamit dhe në fshatin Starje vijojnë punimet dhe pastrimi i kanaleve.
Pustec
Përroi i Goricës së Madhe po pastrohet nga inertet, ndërsa po punohet edhe në rrugën Lajthizë–Liqenas.
Pogradec
Probleme janë shfaqur përgjatë lumit Verdovë, ku dëmet përfshijnë murin mbajtës (rreth 65 metra), ndërsa dëmtime të tjera janë shënuar në Unazë dhe në Zërvaske.
