Moti i keq me reshje intensive shiu ka shkaktuar përmbytjen e 50 ha toke bujqësore në fushën e Maliqit.
Sipas raportimeve përmbytja ka ardhur edhe për shkak të fryrjes se lumit Dunavec, duke paraqitur më tepër rrezik në pjesën ku bashkohet me lumin Devoll.
Probleme ka patur edhe në rrugën nacionale Maliq-Gramsh, ku në fshatin Lozhan ka patur një bllokim prej disa orësh për shkak të inerteve në rrugë.
Moti i keq që pushtoi vendin ditët e fundit shkaktoi problematika në shumë qarqe në vend, ku shirat e rrëmbyer përmbytën qindra hektarë tokë, rrugë dhe banesa.
