Sipas të dhënave më të fundit të Eurostat, Greqia mban nivelin më të lartë të papunësisë afatgjatë në Bashkimin Europian, me 5.4%. Pas saj renditen Spanja me 3.8% dhe Sllovakia me 3.5%.
Nga 13 milionë persona të papunë në BE, rreth 4.2 milionë kanë qenë pa punë për të paktën një vit. Kjo kategori prek më shumë migrantët, personat me aftësi të kufizuara, të rinjtë dhe individët me arsim të ulët.
Në krahun tjetër, disa vende regjistrojnë nivele shumë më të ulëta. Holanda kryeson me 0.5%, ndërsa Maltë, Republika Çeke, Danimarka dhe Polonia qëndrojnë në intervalin 0.7–0.8%.
Rajonet jugore të BE-së dhe zonat më të largëta të Francës rezultojnë më të goditura. Melilla dhe Ceuta në Spanjë shënojnë normat më të larta rajonale, respektivisht 16.3% dhe 15.8%, ndërsa Guadeloupa në Francë arrin në 11.4%. Në Itali, rajonet e Kampanjës, Kalabrisë dhe Siçilisë paraqesin përqindje të larta që variojnë nga 8% në gati 10%.
Në anën pozitive, 52 rajone të BE-së raportuan papunësi afatgjatë nën 1%. Katër prej tyre – Praha, Střední Čechy, Utrecht dhe Noord-Brabant – shënuan nivelin më të ulët, vetëm 0.4%.
Kush është më i rrezikuar?
Të rinjtë 15–24 vjeç janë ndër grupet më të prekura, me një papunësi prej 14.9%, më e lartë se një vit më parë. Personat me arsim të ulët (11.8%) dhe migrantët (10.5%) gjithashtu preken ndjeshëm.
Sipas Eurodiaconia, papunësia e gjatë sjell pasoja serioze: varfëri, stres, rënie të vetëbesimit, probleme familjare dhe izolim social.
In 2024, the long-term unemployment rate in the EU was 1.9%.
Highest shares of long-term unemployment:
Ciudad de Melilla (16.3%)And lowest:
Praha, Střední Čechy, Utrecht, Noord-Brabant (all 0.4%)Read more ➡️ https://t.co/4skedIexqw#EurostatRYB pic.twitter.com/AEr87TjuI7
— EU_Eurostat (@EU_Eurostat) November 11, 2025
