Furnizimi me ujë në qytetin e Sarandës është ndërprerë ditën e sotme, pasi burimet që e furnizojnë qytetin janë turbulluar.
Lajmi është konfirmuar nga ndërmarrja “Ujësjellës Kanalizime Sarandë”, e cila njofton se situata është shkaktuar nga turbullimi i ujit në burimet e Navaricës, si edhe në puset e fushës së Vrionit teksa nuk kanë dhënë një afat se sa mund të zgjasë ndërprerja.
Ky është një tjetër rast që tregon dështimin e kryebashkiakut, Oltion Çaçi i cili gjatë fushatës zgjedhore premtoi projekte të qëndrueshme për furnizim 24-orësh me ujë, veçanërisht për Sarandën, Ksamilin dhe qytetet e tjera përreth.
Por, turbullimi i ujërave në burimet më të rëndësishme tregon se nuk janë marrë masat e nevojshme për mirëmbajtjen dhe mbrojtjen e infrastrukturës ujore.
Gjithashtu pak ditë më parë, Saranda u përball me përmbytje rrugësh si pasojë e mosfunksionimit të kanalizimeve të qytetit.
