Krahas Arli Naskës, një nga ish drejtorët më të pasur të Bashkisë Tiranë, një tjetër drejtor posedon një pasuri me vlerë miliona euro dhe me burim të dyshimtë, obejkt verifikimi nga SPAK-u.
Bëhet fjalë për Henrik Hysenbegasi, i cili për vite me radhë ka mbajtur funksionin e drejtor i Menaxhimit të Investimeve të Huaja, Drejtoria e Përgjithshme e Punëve Publike, në Bashkinë e Tiranës.
I zhvendosur me shtëpi pranë Stadiumit Air Albania, një nga zonat më të shtrenjta të Tiranës, Henrik Hysenbegasi ekspozon jetën luksoze, ndërsa makinat e fundit i ndërron me shpesh se sa oligarkët. Për makinave luksoze, llogarive bankare dhe pasuri të tjera të paluajtshne, ish drejtori i Bashkisë së Tiranës posedon të paktën tre vila në rezidencën Secret Garden, në Mjull Bathore, Tiranë, aty ku ndodhen vilat miliona euro të ministrave, kryebashkiakëve, deputetëve, ish zyrtarëve dhe njerëzve të krimit, në emrin e tyre apo të njerëzve të besuar.
Kompleksi i vilave ku ndodhen pasuritë me burim të dyshimtë të ish drejtorit në Bashkinë e Tiranë është ndërtuar nga biznesmeni Shefki Karamuça, i skeduar për ndërtime pa leje në Mullet pêrmes një skeme të zbërthyer nga Prokuroria.
Vilat luksoze të kompleksit rezidencial “Secret Garden” janë ndërtuar nga kompania “G & P” e biznesmenit Shefki Karamuça, i cili vite më parë ka mbajtur edhe postin e kryetarit të Bashkisë së Vorës. Ashtu si vilat pa leje në Mullet, për të cilat janë dënuar 6 persona, por jo kryesorët, edhe vilat e Henrik Hysenbegasit në rezidencën e Shefki Karamuçës, kanë shtesa pa leje dhe kanë devijuar nga leja e miratuar nga autoritetet publike.
Shtesat pa leje dyshohet se janë bërë në bashkëpunim mes Hysenbegasit, Karamuçës dhe inspektorëve bashkiakë. Ka dyshimes se Henrik Hysenbegasi ka shërbyer si ndërmjetës mes sipërmarrësit Karamuça dhe inspektorëve që duhet të konstatonin shtesat pa leje, duke bërë të mundur edhe ndërtimin e vilave pa leje në Petrelë.
Po si u bë ish drejtori i Menaxhimit të Investimeve të Huaja në Bashkinë Tiranë Henrik Hasanbegasi pronar i vilave te Secret Garden?
Cili është burimi i parave? A i ka deklaruar dhe si i ka justifikuar?
Kujtojmë që vitin e kaluar një skuadër e BKH, me urdhër të SPAK dhe me leje nga gjykata, zbarkoi për kontroll në banesën dhe zyrat e Henrik Hysenbegasit, në kuadër të një procedimi për korrupsion.
Ish drejtori rezulton deri në gusht 2022 aksioner në kompaninë SEASIF GROUP shpk, me objekt veprimtarie hartim dhe zbatim projektesh në ndërtime civile. Hetuesit dyshojnë se kjo kompani është përdorur nga Henrik Hysenbegasit për kamuflimin e përfitimeve të paligjshme dhe pastrim të dyshuar parash./Prapaskena
LEXO EDHE:
