Gjykata e Posaçme ka shtyrë sërish procesin gjyqësor ndaj Plaurent Dervishajt dhe Julian Meçes, të akuzuar për atentatin ndaj ish-prokurorit, Arjan Ndoja.
Shkak i shtyrjes u bë mungesa e avokatëve të të pandehurit Dervishaj.
Procesi ka mbetur në fazën e paraqitjes së konkluzioneve të mbrojtës. Në seancën e 8 majit SPAK lexoi pretencën ndaj të pandehurve ku kërkoi dënimin me burgim të përjetshëm për Plaurent Dervishaj dhe 35 vite burg për Julian Meçajn.
Kujtojmë se në atentatin e ndodhur në 1 Nëntor të 2019 tek mbikalimi i Shkozetit u plagos ish-prokurori Arian Ndoja, Aleksandër Laho i njohur si Rrumi i Sukthit dhe Andi Maloku, shoferi i ish-prokurorit i cili humbi jetën një javë më vonë në spital.
