Ekspertja e ekonomisë, Brisida Shehaj, ka lëshuar akuza të forta ndaj zëvendëskryeministres Belinda Balluku, duke e cilësuar si personin që ka ushtruar funksionet e kryeministres në dy-tre vitet e fundit.
E ftuar në ‘Kafe Shqeto’ në Syri TV, ajo tha se rreth 80-90% e akteve dhe vendimeve të Këshillit të Ministrave janë firmosur nga Balluku, e cila, përveçse mban postin e numrit dy të qeverisë, drejton edhe Këshillin Kombëtar të Territorit. një strukturë ku jepen lejet dhe miratimet më të rëndësishme strategjike të vendit.
Shehaj e quan Ballukun një figurë kyçe në sistemin e qeverisjes së Edi Ramës, duke theksuar se ndaj saj ekzistojnë kallëzime të shumta për afera korruptive në sektorin e energjisë dhe investimeve publike.
BRISIDA SHEHAJ: Nuk po flasim për një zëvendëskryeministre, por po flasim për një individ që ka bërë kryeministrin. Të paktën këto 2-3 vitet e fundit ajo ka bërë kryeministrin. Nëse marrim dhe shohim fletoren zyrtare, rreth 80-90% të akteve, vendimet e këshillit të ministrave janë të firmosura nga kjo zonjë. Po flasim për një zonjë e cila drejton dhe KKT, aty ku jepen lejet e drejtimit. Kështu që vendimmarrja e saj, nuk bëhet fjalë për një ministër, që edhe ai ministër nuk është pak, sepse dhe ministri i energjitikës për mua është një ndër më të rëndësishmit për shkak të sektorit strategjik që administron. Po flasim për një kryeministre në detyrë. Pra, Belinda Balluku nuk është thjesht…
Belinda Balluku ka aq shumë afera dhe ka aq shumë kallëzime të bëra nga PD apo dhe Plug, që janë gati-gati dosje hetimore të kryera. Kështu që nuk po flasim për një tender të vogël 2 milionsh, sepse 2 milion ka marrë vetëm park fotovoltaik një drejtor i Belës nëpërmjet një motrës kuzhiniere…Po flasim për një sektor shumë strategjik. Unë nuk mendoj që historia është kaq e thjeshtë, sepse ne kemi parë që…
Nuk mendoj që Bela është as Arben Ahmetaj, as Erion Veliaj. Në këto raste unë kam qenë e bindur, edhe për Erion Veliajn, që vjen një moment që si gurisht ai do ta lëshonte edhe për shkak të presionit të madh publik që iu bë. Të mos harrojmë që Veliaj, pas dosjes ‘5D’, u vra politikisht. Pra, gjithë ai imazhi i Bashkisë apo një titullari, ra. Por në rastin e Belindës, unë nuk mendoj që Edi Rama është ky që po e vret Belindën. Në perceptimin tim, për shkak edhe të funksioneve që ka mbajtur, Belinda është një ndër personat kryesor të tij.
