Gjykata e Posaçme kundër Korrupsionit dhe Krimit të Organizuar (GJKKO) ka dhënë vendimin për Bruno Çobon, i cili është shpallur fajtor për mashtrim kompjuterik dhe pjesëmarrje në grup kriminal.
Për këtë krim, Bruno Çobo u dënua me 8 vite burg në një burg me siguri të lartë.
Të tjerët që u dënuan janë: Elisa Çaçi (Caci), Gilbert Palushani, Aldo Pasku, Bruno Gjika, Rezarta Ibrahimi (Çaçi), Valbona Abedinaj, Erion Kastrati, Orland Cani, Florjan Bregu, Hamit Dobi, Greta Gjoci (Pepa), Gjin Shelnishta, Antoneta Malo (Pepkolaj), Silvana Veliu dhe Mojsi Zuna. Ata morën dënime që variojnë nga 6 vite e 8 muaj deri në 7 vite e 4 muaj burg, sipas rolit dhe pjesëmarrjes në veprimtarinë kriminale.
Sipas SPAK, grupi menaxhonte call center-a në Tiranë, duke mashtruar qytetarë italianë për investime në bursë dhe kriptovaluta. Në total, zhvatën rreth 4.7 milionë euro nga 1,200 italianë, ndërsa vetëm një italian humbi 700 mijë euro.
LEXO EDHE:
Dokumenti/ I kërkuar nga SPAK për mashtrim, si u ekstradua Bruno Çobo nga Dubai
