Një 52-vjeçar shqiptar është arrestuar nga policia italiane në qytetin Prato, pasi në apartamentin e tij u gjetën 15 kilogramë hashash.
Sipas mediave lokale, ndaj tij kishte qenë vendosur më herët një masë sigurie, që e detyronte të qëndronte vetëm gjatë natës në burg, për shkak të një dënimi të mëparshëm për pjesëmarrje në organizatë kriminale me qëllim trafikun e drogës.
Policia italiane ka sekuestruar lëndën narkotike dhe po vijon hetimet për të zbuluar rrjetin me të cilin bashkëpunonte i arrestuari.
