Një zyrtar i lartë i Shtëpisë së Bardhë njoftoi të martën se nuk ka plane për një takim mes presidentit amerikan, Donald Trump, dhe presidentit rus, Vladimir Putin, “në të ardhmen e afërt”.
Deklarata vjen pak ditë pas komenteve të Trump, i cili kishte folur për mundësinë e një samiti të ri me homologun rus.
Po ashtu, zyrtari sqaroi se sekretari amerikan i Shtetit, Marco Rubio, dhe ministri i Jashtëm rus, Sergei Lavrov, nuk kanë ndonjë takim ballë për ballë të planifikuar. Megjithatë, biseda telefonike mes tyre të hënën u konsiderua si “produktive”.
Ky njoftim heq spekulimet për një takim të mundshëm direkt Trump-Putin dhe nënvizon se komunikimi mes Shteteve të Bashkuara dhe Rusisë vazhdon përmes kanaleve diplomatike ekzistuese.
LEXO EDHE:
Trajtim special për Putin? BE lejon një korridor ajror për presidentin rus drejt samitit me Trump
