Kreu i grupit parlamentar të Partisë Demokratike, Gazment Bardhi, akuzoi mazhorancën për një skenar të qëllimshëm që sipas tij synonte të pengonte debatet në Kuvend.
Bardhi deklaroi për mediat jashtë sallës se Taulant Balla “ngatërroi grupin” dhe urdhëroi deputetët e tij që të ndërprisnin debatin, duke e kthyer Kuvendin sipas tij në një institucion pa debat real.
Ai shtoi se çdo deputet ka të drejtë të bëjë pyetje kur vijnë institucionet e drejtësisë, por sipas tij, mazhoranca kishte qëllim të kalonte pa debat raportimet e komisioneve të drejtësisë.
Gazment Bardhi: E dini se sa herë vijnë institucionet e drjetësisë, secili deputet ka të drejtë të bëjë pyetje. Meraku i tyre nuk ishte kjo. Duan të kalojnë pa debat, raportimet e komisioneve të drejtësisë. Duan të vendosin standardin e pa ndodhur në 34 vitet e demokracisë. Ne do të reagojmë gjithmonë sa herë të shkelet Kushtetuta e të drejtat e deputetëve.
Masat disiplinore që i jep kllouni I Taulant Ballës, nuk ka patur Kuvendi një kryetar më të dobët, ky është I nivelit që zbaton urdhrat e Taulant Ballës. Skenari ishte ndërtuar shumë kohë më parë se Niko Kllouni, gabimisht Taulant Balla ngatërron grup dhe urdhëron gjithë të vetët që të vijnë në sallë të gjithë deputetët e PS, skenari ishte të ndërprisnin debatet, duan ta shndërrojnë Kuvendin në memec. Ta harrojnë se mund ta shndërrojnë Kuvendin, ne do të reagojmë sa herë të shkelet rregullorja. Le të shkojnë tek skenari se në Kuvend s’ka debat.
