Në një konferencë për shtyp të mbajtur ditën e sotme, kryetari i Partisë Demokratike, Sali Berisha, ka folur për pjesëmarrjen e PD-së në zgjedhjet e pjesshme të 9 nëntorit, duke theksuar se partia që ai drejton do të respektojë me përpikëri Kodin Zgjedhor dhe ligjin elektoral.
I pyetur nga gazetarët nëse PD do të regjistrojë logon e saj në këto zgjedhje, Berisha nuk dha një përgjigje të drejtpërdrejtë, por u fokusua në angazhimin e partisë për të ndjekur rregullat ligjore në fuqi.
“PD do të zbatojë rigorozisht Kodin Elektoral dhe ligjin. Pa diskutim që modalitetet janë të ekspertëve të Kodit Zgjedhor. Por ne zbatojmë Kodin Zgjedhor,” deklaroi ai.
