Një automjet i djegur është gjetur mbrëmjen e së premtes në zonën e Tapizës, në Fushë-Krujë. Brenda tij, policia ka zbuluar dy armë zjarri automatike dhe një krehër.
Sipas njoftimit zyrtar, makina tip “Peugeot” u konstatua rreth orës 21:30 pranë një impianti për përpunimin e inerteve.
Automjeti ishte djegur plotësisht, ndërsa gjatë këqyrjes u gjetën armët dhe sendet e tjera që u sekuestruan si prova materiale.
“Punohet për identifikimin dhe kapjen e autorëve, si dhe për sqarimin e rrethanave të rastit”, thuhet në njoftimin e Policisë së Tiranës.
