Edi Rama ka reaguar në lidhje me videon që bëri xhiron e rrjetit, ku gjatë Samitit të Komunitetit Politik Europian në Kopenhagen të Danimarkës, ai u tall me lapsusin e presidentit amerikan Donald Trump, i cili ngatërroi Shqipërinë me Armeninë.
Në një bisedë jozyrtare me Emmanuel Macron, Rama iu drejtua: “Ti duhet të kërkosh falje këtu, ne të dyve këtu sepse nuk na urove për marrëveshjen e paqes që Presidenti Trump bëri ndërmjet Shqipërisë dhe Azerbajxhanit”
Presidenti francez mbeti i shtangur nga kjo batutë e Ramës, teksa i pranishëm aty ishte dhe presidenti azer Ilham Aliyev, ndërkohë që kryeministri shqiptar shtoi “Ai punoi fort”.
Por, duket se pasi batuta u filmua dhe bëri xhiron e rrjetit, Rama është penduar, ku tenton t’ia u hedh fajin mediave, ku sipas tij, kanë shtrembëruar realitetin. Sipas tij, ajo batutë ishte në kuadrin e humorit dhe e thënë mes miqsh.
Më tej, Rama nuk nguron që të lëvdojë edhe Trumpin, pas kësaj gafe të tij, ku shkruan se presidenti amerikan e ka treguar veten si një udhëheqës që e riktheu fjalën “paqe” në fjalorin e Perëndimit pas shumë vitesh dhe se ka arritur paqe aty ku të tjerët u përpoqën por dështuan.
“Është vërtet e jashtëzakonshme se si funksionon media e sotme dhe si e ashtuquajtura “viralitet” mund ta shtrembërojë kaq lehtë realitetin.
Një fjali e thënë me humor të mirë, në frymën e miqësisë, papritmas shndërrohet në një kryefjalë botërore të një samiti të tërë midis dhjetëra kombeve, ndërsa gjithçka tjetër, substanca e vërtetë, bëhet e parëndësishme. Por po, ishte shumë argëtuese sot të isha me mikun tim të vjetër Ilham Aliyev dhe, në prani të mikut tonë të dashur të përbashkët Emmanuel Macron, t’i referohesha një gabimi të Presidentit Trump se edhe Shqipëria arriti të bënte paqe me Azerbajxhanin, ndërsa vetë Emmanuel punoi pa u lodhur, për një kohë të gjatë, për të sjellë paqe midis Azerbajxhanit dhe Armenisë. Një vërejtje e lehtë, një moment miqësor. Sigurisht, nuk ka problem nëse përhapet, por ta shtrembërosh atë në helm politik është thjesht e padrejtë.
Pra, le ta sqarojmë situatën: E vërteta është se Presidenti Trump e ka treguar veten si një udhëheqës që e riktheu fjalën “paqe” në fjalorin e Perëndimit pas shumë vitesh. Dhe po, në një kohë jashtëzakonisht të shkurtër, ai ka arritur paqe aty ku të tjerët u përpoqën por dështuan dhe ai vazhdon ta ndjekë atë pa u lodhur. Ai shkëmbim nuk ishte gjë tjetër veçse një moment humori të mirë midis njerëzve që, në fakt, janë ndër admiruesit më të mëdhenj të Presidentit Trump.” – shkruan Rama në X.
It is truly remarkable how today’s media operates, and how the so-called “virality” can so easily distort reality. A sentence spoken in good humor, in the spirit of friendship, suddenly turns into a worldwide headline of an entire summit among dozens of nations, while all the… pic.twitter.com/bzBjzMC7op
— Edi Rama (@ediramaal) October 2, 2025
